Instagram Profile Picture Kaise Dekhe – Instagram Dp Kaise Download Kare 2023

Originally posted on 30-November–0001 @ 12:00 AM

Last Updated on (19-January-2023)

Instagram users is baat se bakhubi waaqif hain k ye Application unhe kisi bhi profile ki DP full size me dekhne ka option fraham nhe krti. Na hi Instagram ki profile picture ko iski App se download kiya jasakta hai. Par aj hum yahan apko aik ya do nhe balkay 3 aisay asaan tareeqay batayenge jisse ap kisi bhi Instagram profile ki DP full size main dekh saktay hain aur save bhi kar saktay hain.

Full Size Instagram Profile Picture Chrome Par Dekhne Aur Save Karnay Ka Tareeqa

Ap apne PC par kisi bhi Instagram account ki profile picture na sirf dekh saktay hain balkay usay Full size me download bhi kar saktay hain. Yahan diya gya method step by step follow krein.

• Sub se pehle wo account jiski profile picture ap dekhna chahtay hain us par jayein.
• Profile k ooper right corner pe 3 dots wala menu hai us par tap krein.
• Usme se ‘Copy Profile URL’ ka option select krein.
• Copy kiya hua URL Google Chrome par paste krdein.
• Chrome par profile open honay kay baad uski DP par ja k right click krein.
• ‘Open Image in New Tab’ par click krein, aur wo image full size main doosre tab par open hojayegi.
• Picture save krne ke liye Right Click krein aur Download Image ka option select krein.

Websites Jo Apko Instagram DP Full Size Main Dekhnay Aur Download Krnay Ki Sahulat Deti Hain

Aesi kayi websites mojood hain jin par ap apni matluba Instagram profile ki DP full size me dekh aur download krsktay hain. Aksar websites par ap ko us account ka link ya username dalna hota hai jiski profile picture ap dekhna chahtay hain. Aik bohat hi aasan website Instadps.com hai jo apko ye sahulat faraham karti hai.

Applications Jinke Zariye Ap Instagram Profile Picture Dekh Aur Download Krsaktay Hain

Android or iPhone k liye aesi kayi Apps mutarif karayi ja chuki hain jo apko Instagram profile ki DP dekhney aur download krne ki sahulat muhayya karti hain. Instaprofiles aik aesi hi App jo k Android PlayStore pe mojood hai. Iske zariye ap kisi bhi public ya private Instagram profile ki display picture dekh aur download karsaktay hain. Is App ko use karna intehai asaan hai aur install krney kay baad ap isay ba-asaani istemal krsktay hain.

Ho sakta hai Instagram anqareeb iski apni application main DP ko full size me dekhnay ka option mutaarif karaday. Par tub tak k liye ab ap jantay hain k Instagram profile picture ko download krne k liye kya krna hai. Mazeed is tarha k articles aur information k liye Techlivo ko follow krtay rahain.